Sejujurnya Dewan Redaksi dari Koba PKS sangat menyadari konsekwensi dari judul tersebut di atas, dan kami telah siap menerima segala protes yang akan dilayang kepada kami. Disadari atau tidak – bagi yang terbiasa tentu tak ada masalah – namun bagi yang belum terbiasa dan tidak pernah mempersiapkan diri untuk acara seperti ini, tentu akan membuat jantung berdetak keras, tangan berkeringat dingin dan muuka jadi pucek dadai, kalau mau sedikit kehilangan muka, cara lain yang biasa dipakai adalah manyolang mamak kakampuang dalam andiko (meminjam paman ke kampung), celakanya kalau dalam keandikoan itu, juga tidak ada yang sanggup melaksanakannya maka taposolah (terpaksalah) bamamak kamamak urang (berpaman ke paman) lain. Berabe, kan ..!

Inilah tips dari Redaksi Koba PKS, pelajarilah dan nikmatilah.

KATA PEMBUKA SEBELUM MAKAN.

Datuk kampuang Pihak Laki-laki :
“Bismillahirrohmanrrohim. Assalamu’alaikum Wr. Wb. Partamo-tamo, marilah kita panjekkan puja sarato puji kapado Tuhan seluruh Alam, semoga kebahagiaan dan keselamatan tercurah bagi arwah junjungan kito Nabi Besar Muhammad SAW. Kamudian dari pado itu marilah kito mengucek syukur kapado Allah SWT, nan ateh izin Baliau juo pa tomuan ko dapek dilansuangkan. Mana Baliau nan bagolai ……”.

Datuk Kampuang Pihak Wanita :
“Iyo, ambo !”

Datuk Kampuang Pihak Laki-laki :
“Agiah mo’o ambo la banyobuik golai, datuak ….”

Datuk Kampuang Pihak Wanita :
“Sapanjang biaso, tu ma !”

Datuk Kampuang Pihak Laki-laki :
“Kami silang nan bapangka karojo nan bapokok, karakok nan banjunjuang mangucapkan tarimo kasi ateh kadatangan datuak …. saroto jo rombongan. Agia mo’o kami jiko manduduakan datuak …. jo rombongan indak pado tompeknyo.

Bak pituah rang tuo kitomah datuak …, batanyo salope orak, mardeso jo powuik konyang. Baapo tuh tantang hidangan nan la talatak dihadapan kito nan basamo, iyo nak mintak disalamekkan. Kok jauah mintak dijangakau, nan dokok mintak dicotok. Sakian somba dari Ambo …”

Datuk Kampuang Pihak Wanita :
“La sampai dek datuak …… da!”

Datuak Kampuang Pihak Laki-laki :
“La, babilang sampai nu …!”

Datuk Kampuang Pihak Wanita :
“Apolah kato nan talimpah kabakeh Ambo, indak kaambo ulang kilin. Indak kaambo tikam jojak. Diulang kilin kok lope, ditikam jojak kok sopuak, diulang kato kok ditimbang. Baapo kok kini, iyolah bak pituah rang kito juo, lomak lawuak dek bakunyah. Lomak kato dilega bunyi. Kami dek lai baduo, batigo disiko, nak ambo ambiak dulu kato baiyo. Mananti datuak …. sakatiko”

Datuk Kampuang PIhak Laki-laki :
“La sapanjang nan biasto tuh, ma …!”

Datuk Kampuang Pihak Wanita :
Baiyo jo rombongan.
“Anu … iko la tibo imbauan dari silang nan bapangka, karojo nan bapokok ma …, tontang hidangan nan la talatak, nak minta disalamek an. Baapo dek kito.

Dijawab oleh salah seorang anggota rombongan :
“Kok iyo la disorahkan, yo batarimo sajo dek kito. Indak ado do’a panulak rasoki, do … !”

Setelah selesai bermufakat, maka ketua rombongan menyambung kembali pembicaraan. “Mano baliau datuak ….. tako ?”

Datuk Kampuang Pihak Laki-laki :
“Ambo …”

Datuk Kampuang Pihak Wanita :
“Talambek talamo ambo mamulangkan kato ka datuak, dek jalanlah banyak nan bakelok, pamatang lah banyak nan baliku. Lah bulek aie dek pambuluah, lah bulek kato dek mupokek. Kalau iyo lah diagiah dek sipangka, sapanjang adek kami tarimo basamo-samo. Mulailah dek sipangka nak kami tutuah dari ujuang.

Datuk Kampuang Pihak Laki-laki :
“Nan kami kondak i bona tu, ma … Dibukak tuduang lai. Bismillahirrohmanirrohim …”

SASUDAH MAKAN.

Datuk Kampuang Pihak Laki-laki :
“Mano baliau nan bagolai datuak …?”

Datuk Kampuang Pihak Wanita :
“Ambo …”

Datuk Kampuang Pihak Laki-laki :
“Baulang-ulang ambo maimbau datuak, ma …!”

Datuk Kampuang Pihak Wanita :
“Sanpanjang nan biaso tu, mah …”

Datuk Kampuang Pihak Laki-laki :
“Olun duduak la maju ma, tuak. Nampak-nampaknyo sabolun golek tibo, bone-bone bak ata, iyolah kabaguliang-guliang toruih juo inyo”

Datuk Kampuang Pihak Wanita :
“Manitahlah datuak … !”

Datuk Kampuang Pihak Laki-laki :
“Tontangan partomuan kito, iyolah malanjuik an etongan induak-induak nan lah disapokek i, nan kini la sampai ka awak. Kabaapo kok dek awak kini …?”

Datuk Kampuang Pihak Wanita :
“La sampai dek datuak …”
Apolah kato nan bapulangkan dek datuak …, kapado ambo, iyolah kato nan sabona kato, tapi samantang baitu, Adek limbago barapek, adek pusako duduak basamo – duduak sorang basompik-sompik, duduak basamo balapang – lapang. Kok ambo ambiak kato baiyo, ambo bawo kato mupokek, lai kok didalam adek kami datuak … ?

Datuk Kampuang Pihak Laki-laki :
“Lai dalam adek bona tu datuak …!

Datuk Kampuang Pihak Wanita :
“Kok, iyo lai didalam adek … mananti datuak sakatiko”

Datuk Kampuang Pihak Laki-laki :
“Biasotu, ma … !”

Datuk Kampuang Pihak Wanita :
Berunding dengan para Tungganai, lalu …
“Mano baliau, datuak … tako ?”

Datuk Kampuangn Pihak Laki-laki :
“iyo, ambo … !”

Datuk Kampuang Pihak Wanita :
“Adopun makosuk patomuan ko, iyolah : Nak mampatomua rueh jo buku antaro anak kamanakan kami nan banamo … anak dari ….. babako ka ….. nan kapatomuan jo kamanakan datuak ……. nan banamo ………. anak dari ……… babako ka ……..

Gayuang iyo nak minta disambuik, kato iyo nan minta dijawek ma, tuak … !”

Datuk Kampuang Pihak Laki-laki :
“Nampaknya lah sajalan, sapangona kito mah. Kami iyo nak mananyoan, datuak iyo nak mangatokan pulo.”

Datuk Kampuang Pihak Wanita :
“Sabarih lai datuak, tontang nike jo nazar ko. Kok lai disetujui, kami la marancanokan ka manyalanggarokan pada hari …. batompek di ….. Pestanyo hari ……….. tanggal …………. di …………. jam ………

Datuk Kampuang Pihak Laki-laki :
“Mengulang jadual yang dikemukakan pihak wanita. Kok baitu, iyolah nak samo-samo kito pakorongkampuangkan”

MINTA DIBACAKAN DO’A

Datuk Kampuang Pihak Laki-laki :
“Mano baliau nan bagolai datuak …. !”

Datuk Kampuang Pihak Wanita :
“Ambo … ?”

Datuk Kampuang Pihak Laki-laki :
“Tontang karojo awak mampatomuan rueh jo buku diantaro kamanakan awak, olah salamek. Baapo kini lai, handaknyo kaduo kamanakan kito itu sajak kin saakua jo sakato sajo, samo-samo pandai manjago diri, sahinggo salamek sampai ka palaminan. Kamudian daripado itu, iyo nan dibacokan do’a jo Al Fathiha dek datuak …. Sakian sambah dari ambo.”

Datuk Kampuang Pihak Wanita :
“Apo kato nan talimpa ka bakeh ambo, iyolah tontang karojo awak mampatomuan rueh jo buku diantaro kamanakan awak, kan olah salamek. Kamudian dari pado itu, iyo nak dibacokan do’a jo Al Fathiha, dek datuak …. Kan baitu bona kato datuak …. Ndak ado lai, kok nan kamambacoan do’a, tontu basoraan Ongku Malin kito juo.

Datuk Kampuang Pihak Laki-laki :
“Kok Ongku Malin nan ka mambacoan, iyo datuak …. nan kamampalalukannyo, mah … !”

Datuk Kampuang Pihak Wanita :
“Iyo, baapo to lai …”

Datuk Kampuang Pihak Wanita :
“Meminta tolong ka Ongku Malin atau mambaco sendiri”

CONTOH DO’A PENDEK
“Alaa ha-dza niyyatin wa likulli niyyatin sholihah, Al Fathiha :
A’uzubillahiminasy syaitonir rojim.
Bismillahirrohmanirrohim.
Alhamdulillahir Robbil’alamin.
Was shoolatu was salaamu’ala sayyidina Muhammadin wa’ala aalihi ajma’in.

“Ya, Allah ampunilah dosa kami, dosa kedua orang tua kami. Sayangilah mereka berdua sebagaimana mereka menyayangi dan mengasuh kami dari kecil hingga dewas dan ampunilah dosa kaum muslimin dan muslimat, mukminin dan mukminat yang hidup dan yang telah tiada. Wahai Tuhan kami, karunialah kami dengan istri-istri kami dan anak-anak kami yang menyenangkan hati kami dan jadikanlah kami ikutan bagi orang-orang yang bertaqwa.
Wahai, Tuhan kami berilah kami kebahagiaan di dunia dan kebahagiaan di akhirat dan lindungilah kami dari azab api neraka.”

MINTA IZIN PULANG

Datuk Kampuang Pihak Wanita :
“Mano baliau datuak …… tako ?”

Datuk Kampuang Pihak Laki-laki :
“Ambo …”

Datuk Kampuang Pihak Wanita :
“Tantang karojo kito nan basamo, kok dipandang olah baiak muko, kok didonga olah elok bunyi. Nan diam olah pocah. Kok makosuk olah sampai. Kok makan olah konyang. Kok minum olah taraso sojuak. Kamudian la dimonton i jo do’a sarato Al Fathiha.

Baapo kini dek kami nan sabondong datang sairing samo tibo. Jikok duduak la taraso ponek, jikok togak la taraso poniang. Nan taniek didalam hati, nan tarogak dalam tabuah. Paham babosiak di nan batin, budi manuntuik ka elemu. Jikok duduak nan maurak selo, jikok togak nan maasak langkah. Nak pulang ka tompek masiang-masiang. Sekian ijin jo sombah kabakeh datuak …”

Datuk Kampuang Pihak Laki-laki :
Nan sapanjang kato dari datuak. Nan taserak ka marapek. Nan tatabua ka nan banyak. Nan talimpah ka bakeh ambo. Dek kami lai baduo jo batigo, saukua mako takanak, sasuai mangko manjadi. Nak nyo bulek aie ka pambuluah. Nak nyo bulek kato ka mupokek, ambo bao kato baiyo …. mananti datuak sakatiko (baiyo jo anggota si pangka).

Sumber : Buya Damra Ma’alin

Koba PS Jakarta, II/Des. 01